Homeless 寥婆婆
我叫寥婆婆，係公園露宿咗4年啦。我冇牙喇，有時到修女嗰到攞飯食，但係d飯好硬呀，因為修女係煮俾正常人食吖麻，我呢D冇牙嘅照顧唔到，無所謂啦，我慢慢食一樣㗎姐.
你估我幾多歲？我成70歲架喇. 哈哈. 修女d飯幾好味架，我鐘意食蛋糕，夠林吖麻，聖安娜好好味㗎，出名吖馬, 牌子好呀， 美心都好，經濟D囉, 哈哈。檸檬味我鐘意，朱古力味都好好。
我住拱撟嗰邊呀，你知唔知邊到呀? 有2個拱橋㗎。唔知呀？ 好吖，我帶你去，但係我要看住我架車wor，D人以為我執紙皮賣，要等鬼佬幫我看住呀…好啦好啦，唔怕啦，日頭應該冇人偷嘅…
我日頭冇得係到瞓㗎，俾人趕呀，我同鬼佬唔吸毒，吸毒嗰d好惡架，又偷嘢㗎，我夜晚唔敢咁早瞓. 佢地吸毒嘅夜晚吸, 唔瞓覺㗎, 嗰鬼佬有時就坐係呢張櫈到瞓，我就係呢到瞓, 我有時瞓拱橋嗰到, 斜斜哋, 係咪好正呀？哈哈。 不過日頭保安趕, 阻住人吖麻, 嗰D吸毒嘅住在係到好耐𠺢喇，10年都有，佢哋霸哂D位，我要小小位之麻，都唔得. 我瞓嗰到有尿味㗎，有時有使味tim呀。
嗰鬼佬法國人嚟，佢傻架，有時對住個天鬧，好惡，指手指腳，我又唔知佢講乜，佢又唔知我講乜，無人同佢傾計吖麻，咪自言自語攞，佢成日跟住我，D吸毒嘅趕佢走呀，佢係難民嚟，每月有1900 mund 。佢最近飲生水呀, 運動場山咗呀, 修女嗰到有水飲， 我幫鬼佬攞飯食囉, 有次佢張嘢濕咗，冇得瞓呀. 我日頭有時坐呢到, 涼涼哋，好舒服。5點幾咪去修女到攞飯囉，鬼佬攞得，我唔攞得，嗰到係男宿舍。有時攞明哥lor.
嘩，呢到正wor, 張石櫈有位wor. 夜晚呢到好多人架，我遲嚟無得係到瞓，我試吓瞓先, 嘩, 好正呀. 哈哈，夜晚無得係呢到瞓…
有時落雨咪避雨攞，喇，呢個位咪有得遮囉，不過好多人㗎…
我以前有抑鬱架。哈哈，睇唔出lei. 我以前唔識笑㗎，食好多精神科藥, 失眠呀…夜晚唔瞓覺, 同d鄰居嗌交, 我怕咗同哋, 想避開佢哋, 咪張間屋俾返政府囉，我入過精神病院，我講大話呃醫生呀，我meet開d錫紙話有食藥， 我抑鬱到傻咗呀。嗄？間屋幾十萬㗎？無辧法啦，嗰時傻咗吖麻…依家搵唔到社工呀，疫情吖麻，佢哋公務員，搵唔到㗎喇，遲D先啦；修女話遲D俾我住，但係要社工寫紙。
我以前照顧老人家，唔係老人院嗰d, 我成日同佢嗌交，佢係麼門教，我耶穌教，我嗰時抑鬱麻，所以成日同人嗌交。
依家好返喇, 我信耶穌㗎，我洗禮洗咗十幾次喇，d人話可以祈禱無牙痛wor, 我初初扮信, 唔得架，d牙都係痛； 後嚟，洗洗吓洗走咗抑鬱law，呢幾年唔洗食藥喇；哈哈…
宗教救咗我呀，依家好開心，宗教迷，唔會抑鬱，我以前錢迷，屋迷ar, 就抑鬱。
嘩，嗰蛋糕好靚wor, 嘩,意大利好靚wor. 呢個俾鬼佬啦，佢去咗球場嗰便呀。 嘉頓蛋糕都好好味。
嗄？要依家食呀?佢話24小時食wor…哈哈，係wor, 擺雪櫃24小時wor. 哈哈. 嘩，芝士味好味wor. 係呀, 我識小小英文㗎,Italy 麻…
呢d月餅修女㗎？ 好wor. 3個分俾人食…我可能自己食哂…哈哈
To make decision now 